Chum semmer z'Kitzbühel acho ond im Zielhang itroffe, merkt de Sämi das sini Jagge chli chorz ond äng esch ond ned agschrebe esch. Är frogt sech echli döre, öb öpper die falsch Jagge verwötscht hed. E ganze Tag spöter merkt är de, das är scho emmer sini Jagge agha hed ond sie gar nie agschrebe hed. Damet är nögscht Wochenänd ned mues früüre, wär doch de RDW-Mantu öppis, dä längt secher bis ganz vöre.

Z'Kitzbühel acho ond ufem Wäg rechtig Zielhang merkt de Nico plötzlech, das är sis Mondstöck ide Onterkonft vergässe hed. Metem Posune-Mondstöck spellt sech sone Bass halt eifach ned glich guet, wie met sim gwohnte Mondstöck. Das är sis Mondstöck ned nomol vergesst, wär de RDW-Mantu doch e gueti Erennerig.