Voller Vorfreud ond Euphorie send mer am Fritigobe of Trienge ah Suugerball greist. Üsi Ersteli hend bi de Ahkonft grad welle go d Plakat zom Instrumenteahhänger use nä, demet sie ere Job vom plakatiere suber chönd öber d Böhni brenge. Bim Ahhänger ahcho, heissts aber folgendes: „De Meethee hed de Schlössu ond dä esch amene 30.Gebortstag ihglade. Es weiss niemerd of wenn dä chond.“ Somet heds nüd anders gä, als abwarte ond Tee trenke bes de Meethee chond ;)

S'Hose flecke im Hause Küng werd scho bald zor Routine noch dene wöude Fasnachtsöbe. I eusem Rögi sini Hose send nämmli ned so die zueverlässigschte. Am BTS heds de gar nömme vöu möge liide ond die Hose send enisch komplett gresse - e loftigi sach sig das gsi ;) Demet euse Rögi (oder sies Mami) ned scho weder moss Hose flecke, chönnt är jo die Hose deheime loh ond metem RDW-Badmantu cho. De hätter secher gnueg Bewegisfreiheit bi sine Dancemoves.