Mer send of de Instrumente Transport am warte plötzlech gsed euse Präsi Rain(er) zufällig de Rainer Maria Salzgeber wo em Mercedes vom Militär hocked. I einere Selbstverständlichlichkeit god er go töre ufdue ond em hoi d säge, schliesslich esch er met em scho einisch nochem Donnstigjass go velofahre ond de marco hed denkt er kennt en secher no. Esch aber be de insasse gar ned eso guet acho.

D Ambitione s Fasnachtschleid eigeständig z nähie send met zuenähmendem Drock bim Nico emmer wie meh gstege. Ufd Fasnachtseröffnig send de ou die Hose ond das Chillet fertig gsi. Nor no d Jagge hed gfählt. Wos de doch ou scho Donnstig vorem Wänge-Weekend gsi esch, hed de Nico festgstellt, dass är jo no en Jagge müessti ha. Also heder en Nachtschecht met Nähie ihgleid. Ufgrond vo mangelndem Schlof hed notürli ou d’Konzentration emmer wie meh nohgloh. Ond woner denn am morge früeh d Jagge hed welle fertigstelle, heder gmerkt, dass de Rissverschloss verchehrt ihgnääit gsi esch. Leider heder kei Ziit meh gha dä Fähler z behebe ond ez muesser de Rissverschloss vo obe ihfädle ond noch abe schliesse. Trotz allem – gratuliere zom sälbergnääite Chleid!