Rammler der Woche Abstimmung
Bruno
am Uftritt hed de Bruno alles gää, ned nome bem spelle sondern au be
de bolognese nachem spelle heds schnell mösse go, s‘instrumänt abgstellt aber i dem Momänt flüügt s‘Mondstöck wo no dra gsi esch prompt devo. Nachdem de Bruno zrog gsi esch
ond bereits s‘nöchste Lied gstartet hed suecht är verzwiflet sis Mondstöck. Zom
Glöck hed öpper die Not erkennt ond ehm chönne das Mondstöck reiche.
Raphael T.
D Chinderfasnacht esch för de Raphi offesechtlech echli sträng gsii. Nochere ermüedende Stond Ballon-chnöpfe hed är sech chorzerhand entschede go es Pfüüsi zmache. Letscht Johr hed er das im Lager onde ou scho gmacht. Denn escher entdeckt worde ond wäge dem RDW worde. Wöu de Raphi üs sine Fähler glehrt hed (oder äbe ned), escher hüür id Frouegarderobe go legge, i de Hoffnig, es gsehd ne de niemert. Jäää... das esch leider nüt gsii. Dass er de secher s nöchscht Johr dra dänkt ond nömme god go legge, sett är de RDWMantu das Johr nomou träge.
Nico
Z nacht am 02:00Uhr esches vo Hergiswil of Schänke gange. Bim Zonftmeisterpaar gäbs no Ravioli - hed mer ghört z verzöue. Do hed de Nico ned lang öberleid ond esch z Schänke med huufe anderne Rammler zämme usgstiege. Dä chorzi Fuessmarsch hed allne guet do. Wo de die Ravioli äntli ofem Tisch gstande send, hed de Nico plötzli nömme so rächt möge. Ah sine Ravioli hend de ander freud gha. Statt wie besproche ih de Groppe hei of Schlierbach, esch är de chorzerhand ines anders Outo ihgstiege - der Weg ist das Ziel. Öbere chorzi Besechtigung z Buttisholz, wiiter go eh Stall mache escher schliesslich de
ou mol z Willisau im Städtli ah cho. Am spötere Nomitag hed mer ehn ded emmerno vorgfonde. Navigation komplett us, Party-Modus voll iigschaltet
Bravo Nico — offizielli Weltreis dor d Vorfasnacht… ohni Ziel, aber mit Stil.